Biblioteca del CPEB de Colombres: 2017

Celia Borbolla Andreu de 4º ESO participó nel concursu con un cuentu bien guapu sobre unes Navidaes sabátiques en Colombres. Equí vos lu dexamos pa que podáis disfrutar un ratín cola so llectura.

Yera la nueche de Reis. Marta, Enol y Xavier fueron xuntos a la cabalgata na plaza de Colombres. Too yera normal, tuvieron a la fila media hora que pal inquietu d’Enol fue una eternidá, pa ver a Baltasar, y sobretoo pa que-yos dieren caramelos, que yera polo que Marta esperó tantu tiempu, yá qu’ella dicía que los reis que diben a Colombres sólo yeren ayudantes de los reis de verdá, pero disfrazaos. Según ella, los Reis nun podíen tar en toes partes así que repartíen a los sos ayudantes per toa España pa que los neños pidieran los sos regalos. En cambiu Xavier, que según Enol yera un ‘’tontu ignorante de remate’’, pensaba que los Reis nun existíen. Xavier, que yera’l más soñador y espabiláu xuraba que tolos reis yeren de verdá, que ‘’nin ayudantes, nin ocho cuartos’’-dicía él. Asina que Marta y él nun diben parar hasta demostra-y al so amigu Xavier que los Reis existíen.

A la mañana siguiente tolos neños de Colombres diben cola mayor ilusión del universu a ver que-yos habíen dexáu los Reis Magos debaxo l’árbol. Pero pa sorpresa de toos…¡Nun había na! ¡Na! Marta, Enol y Xavier quedaron ensiguida na plaza del pueblu pa comprobar que nun yera que-y faltara regalos a unu, sinón qu’algo pasara la nueche anterior pa que los Reis nun cumplieren como tolos años anteriores. Enol pensó que yera la so oportunidá pa demostrar a tol mundu que los Reis Magos existíen.

Los tres amigos decidieron dir a casa pol ‘’equipamientu’’ necesariu pa resolver esi misteriu. Enol yera l’encargáu del ‘’perru rastreador’’ Pluto, Marta d’una lupa y Xavier del sombreru d’espía que-y habíen regalao pal cumple.

Los neños tuvieron tola tarde buscando pistes pel pueblu y lo único qu’atoparon foron unes pisaes que según Marta yeren de camellu, pero al final diéronse cuenta de que yeren del caballu de Xuan, un home del pueblu.

Dempués de tres hores de llarga y dura investigación rindiéronse por esi dia.

Enol llegó a casa y lo primero que fizo foi tumbase nel sofá. Llevaba un bon ratu ellí tiráu cuando se dio cuenta de que Pluto taba desguazando un cachu de papel de regalu. Recoyó tolos cachinos y vio que nél ponía: Por favor, ayúdanos. Creemos en ti.

Enol foi corriendo a casa Marta y preguntó-y que si por favor podíen llamar a Xavier pa xuntase los tres.

Cuando taba tol ‘’equipu d’investigsción’’, echaron a correr per tol pueblu, Enol sabía perfectamente ónde taben los Reis. Dirixéronse a un vieyu almacén que taba a les afueres del pueblu. Enol sabía que taben ellí porque hacía xusto dos años escondiérase naquel sitiu xugando al esconderite, anque tamién sabía bien de sobra, por toles veces que-y lo repitiera la ma, que nun taba bien entrar.

Cuando llegaron asomáronse a la ventana, a la única que nun taba tapiada, y ellí, ente miles de rollos de papel de colorinos taben… ¡Los Reis Magos! ¡Na más y na menos que los mismísimos Reis d’Oriente! Los tres paisanos taben ataos con unes combes de Winnie the Poo a unes silles, pa que nun pudieren escapar. Marta tuvo que pellizcar varies veces a Enol pa que reaccionara, el guah.e nun podía creer lo que taba viendo. ¡Tán ehí los Reis…!-dixo Enol dirixéndose a los sos amigos.

Mientres los neños ‘’flipaben en colores’’, como diría Xavier, Pluto metióse dientro del edificiu, y cuando los guah.es lu vieron, entamaron a da-y indicaciones. Pluto acercó un cúter a Melchor y dempués de 10 minutos de cortar y cortar la colorida comba que lu ataba a la silla, consiguió lliberase. Pero xusto cuando diba ponese a soltar a Gaspar los neños sintieron un gritu detrás d’ellos…¡Yera Papá Noel!

En cuantes que miraron pa él, lo primero que-y salió a Enol foi coyer la lupa de Marta y estampa-yla al home vieyu en tola cabeza. Esti cayó al suelu inconsciente.

Los Reis abrieron la puerta a los neños y con ayuda d’unu de los camellos consiguieron llevar a rastres a Noel, que taba incosciente, pa dientro l’almacén onde lu ataron.

Toos decidieron face-y un interrogatoriu al home de coloráu, y cuando espertó toos taben preparaos pa entamar, abrió los güeyos y atacáronlu a preguntes. Dempués d’un bon pedazu, too salió a la lluz.

Papá Noel confesó. Según Marta, dempués de munches, munchíííísimes hores. En verdá, fueron 10 minutos porque’l paisanu cantó como un gallu, pero ye que Marta ye mui impaciente. Dixo que los Reis taben faciéndo-y muchísima competencia y tenía-yos tanta envidia que, con ayuda de los sos elfos, diseñó un maléficu plan. La nueche de Reis diba dir per toles cases onde hubiera neños a robar los regalos que los Reis dexaran pa ellos. Así, los pequeños dexaríen de tene-yos fe y el grandísimu Noel volvería a ser el que yera enantes. Amás, l’home pensó que los regalo sque robara diben ser los que diben recibir los neños pal añu siguiente, así él garraba un añu sabáticu en dalguna isla perdida del Caribe.

Ente toos decidieron dexar ellí ‘’meditando’’ a Santa. Los tres amigos, con ayuda de los Reis y los camellos incluidos, coyeron prestao’l trinéu de Papá Noel y pasaron tola nueche repartiendo regalu a regalu lo que-y correspondía a cada neñu o a cada neña que’l día anterior recibiera una desilusión .

Al acabar la dura xornada, toos fueron a casa d’Enol. Los Reis y los tres amigos tomaron un Cola Cao con pastes mientres Pluto y los camellos comíen el carbón que-yos sobrara.

Enol y Marta demostraron a Xavier y a munchos más neños que los Reis existíen y que trabayando duro y n’equipu pues consiguir lo que te propongas.

Los alumnos del grupo de Francés de 3º ESO Ángel Balmori, Guillermo Morán e Iván Múgica recibieron un premio por su cuento "Noël à Colombres".

NOËL À COLOMBRES

Je m’appelle Pierre et j’habite à Buelles. J’ai dix ans et j’aime beaucoup Noël parce que tout le monde m’offre beaucoup de cadeaux. L’année dernière, j’attendais les cadeaux du père Noël mais il n’arrivait pas…

Maintenant je vais raconter cette incroyable histoire : le lendemain du jour de Noël, je me suis réveillé très tôt car j’étais très nerveux. J’ai diné avec mes grands-parents tôt, je me suis couché à huit heures pile. À Laponie, le père Noël était prêt à sortir pour apporter les cadeaux à tous les enfants du monde entier. À la moitié du chemin, sa voiture a été renversée en Australie. Ce jour-là, tous les enfants du monde sont tristes puisque leurs cadeaux ne sont pas arrivés chez eux. Ça c’est la terrible histoire qui s’est passée le vingt-cinq décembre de l’année deux mille dix.